ಹೆಂಡತಿಗೆ ಸಲಹೆ.

ಲಾಕರ್ನಲ್ಲಿ ಇಡೋಕೋಸ್ಕರ

ದುಡ್ಡು ಕೊಟ್ಟು ಚಿನ್ನ ಖರೀದಿಸುವ ಬದಲು

ಚಿನ್ನನ ಅಂಗಡೀಲೇ ಬಿಟ್ ಬಿಟ್ಟು

ದುಡ್ಡನ್ನ ಅಕೌಂಟ್ಗೆ ಹಾಕ್ಬಾರ್ದಾ ಮಾರಾಯ್ತಿ.

ವಿವಾಹ ವಾರ್ಷಿಕೋತ್ಸವದಂದು.

ಪ್ರಿಯ ಸ(ತಿ)ಖಿ....

ನೀ ಬರೀ ಮಡದಿಯಲ್ಲ ಗೆಳತೀ;

ನನ್ನ ಬಾಳ ಪಯಣದ ಸಂಗಾತಿ...

ನೀ ಜೊತೆಗಿರಲು ಸದಾ ಮನಕೆ ಸುಖ-ಶಾಂತಿ;

ಅದುವೇ ನನ್ನ ಪಾಲಿಗೆ ಸಂಕ್ರಾಂತಿ.

ಜೀವನದಲ್ಲಿ ನಾ ಏಕಾಂಗಿ ಎನಿಸಿದಾಗ

ನೀ ಅರ್ಧಾಂಗಿಯಾದೆ.

ಬಳಲಿ ಬೆಂಡಾಗಿರುವ ಈ ಬಾಳಿಗೆ

ಪ್ರೀತಿಯುದಕವ ಚಿಮ್ಮಿದೆ.

ಸಂತಸದಿ ನೀ  ಆನಂದಿಸಿದೆ;

ನೋವಿನಲ್ಲಿ ನೀ ಭಾಗಿಯಾದೆ.

ಜವಾಬ್ದಾರಿಯ ಕಲಿಸಿದೆ;

ಸಂಸಾರವೇನೆಂದು ತಿಳಿಸಿದೆ

ಸಣ್ಣ ಪುಟ್ಟ ವಿಷಯಗಳನ್ನೂ ನೀ ಕೆದಕಿದೆ;

ನಿನ್ನಲ್ಲಿ ನನ್ನ ಬಗೆಗಿನ ಕಾಳಜಿಯ ತೋರಿದೆ.

ನನ್ನ ಕೋಪ, ನಿಂದನೆಗಳಿಂದ ಅದೆಷ್ಟು ನೊಂದೆ;

ಎಲ್ಲವ ಮರೆತು ನನ್ನ ಬಾಳಲ್ಲಿ ಪ್ರೀತಿಯ ತಂದೆ.

ಜೀವನದುದ್ದಕ್ಕೂ ನನಗೆ ಸಾಂಗತ್ಯ

ನೀಡುವೆಯೆಂದು ಆಣೆ ಮಾಡಿದೆ.

ನೋವು ನಲಿವಿನ ಕ್ಷಣಗಳಲ್ಲಿ ಸ್ಪಂದಿಸುತ

ನೀ ಕೊಟ್ಟ ಭಾಷೆ ಉಳಿಸಿಕೊಳ್ಳುತಿರುವೆ.

೧೭ ಮೇ ೨೦೨೦, ರಾತ್ರಿ ೧೧ ಗಂಟೆಗೆ.