ಪ್ರಿಯೆ ನಿನ್ನ ಕಂಗಳ ಕಾಂತಿ-
ಮೂಡಿಸಿಹುದು ನನ್ನಲ್ಲಿ ಪ್ರೀತಿಯ ಭ್ರಾಂತಿ
ಚುಚ್ಚುತಿಹುದು ನನ್ನೆದೆಗೆ ಪ್ರೇಮದ ತಂತಿ
ಇನ್ನೆಲ್ಲಿ ನನ್ನೀ ಮನಕೆ ಶಾಂತಿ?
ನೀನೇ ನನ್ನ ಬಾಳಿನ ಸಂಕ್ರಾಂತಿ
ನೀ ದೊರಕದಿರೆ ನನ್ನ ಬಾಳೆಲ್ಲ ಗೋಳಿನ ಕ್ರಾಂತಿ.

ಬದಲಾವಣೆ

ಮದುವೆಗೆ ಮುನ್ನ
'ಚಿನ್ನಾ,ನೀನೇ ನನ್ನ ರನ್ನ'
ಎನ್ನುತ್ತಿದ್ದವ,ಈಗ-
ನೀನಿರದಿದ್ದರೆ ಬಹು ಚೆನ್ನ'
ಎಂದು ಹೇಳಬೇಕೇ?!

ಗಂಡ ಹೇಳ್ತಾನ

ನನ್ನಾಕೆ ನಕ್ರ
ಕಾಣ್ಸಲ್ಲ 32 ಹಲ್ಲು
ಯಾಕಂದ್ರ
ಅವಳಿಗಿಲ್ಲ
ಒಂದೂ...
ಹಲ್ಲು.

ಹೆಂಡತಿ ಹೇಳ್ತಾಳ

ನಮ್ಮೋರು ನಕ್ರ
ಕಾಣ್ಸಲ್ಲ 32 ಹಲ್ಲು
ಯಾಕಂದ್ರ
ನಾ ಉದುರ್ಸೀನಿ
ಮೊನ್ನೆ 2 ಹಲ್ಲು.

ಧನ್ಯವಾದ!

ಗೆಳತೀ
ಸಂತಸವ
ಬೀರದ
ಈ ಬರಡು
ಬಾಳಿಗೆ
ಪ್ರೀತಿಯ
ಬೆಳಕನು
ಚೆಲ್ಲಿ
ಹೊಸ
ತಿರುವು
ತಂದೆ.

ನನಸು-ಕನಸು.

ಲೇಖಕನೊಬ್ಬ ಬರೆದ
ಪುಸ್ತಕದ ಹೆಸರು-'ನನಸು'
ಆದರೆ ಅದನ್ನು ಪ್ರಕಟಿಸುವುದೇ
ಅವನ ಪಾಲಿಗೆ 'ದೊಡ್ಡ ಕನಸು'

ನಲ್ಲ ಬೇಡಿದ್ದು!

ಪ್ರಿಯೆ ಮುತ್ತೇಕೆ ಕೊಡುವೆ?
ನಾ ಕೇಳಿದ್ದು ನಿನ್ನ ವಡವೆ.
ಕೊಟ್ಟರೆ ನಾ ಕೇಳಿದ ವಡವೆ
ನನಗೇಕೆ ನಿನ್ನ ಗೊಡವೆ?