ಸಂ-ಹಾರ

ಹಾಕಿದ್ದರೆ ರಾವಣ ಶ್ರೀ ರಾಮನಿಗೆ 

Some ಹಾರ, 

ತಪ್ಪುತ್ತಿತ್ತೇನೋ ಶ್ರೀ ರಾಮನಿಂದ 

ಅವನ ಸಂಹಾರ. 

 ಹೆಂಡತಿಗೆ ಸಲಹೆ.

ಲಾಕರ್ನಲ್ಲಿ ಇಡೋಕೋಸ್ಕರ

ದುಡ್ಡು ಕೊಟ್ಟು ಚಿನ್ನ ಖರೀದಿಸುವ ಬದಲು

ಚಿನ್ನನ ಅಂಗಡೀಲೇ ಬಿಟ್ ಬಿಟ್ಟು

ದುಡ್ಡನ್ನ ಅಕೌಂಟ್ಗೆ ಹಾಕ್ಬಾರ್ದಾ ಮಾರಾಯ್ತಿ.

ವಿವಾಹ ವಾರ್ಷಿಕೋತ್ಸವದಂದು.

ಪ್ರಿಯ ಸ(ತಿ)ಖಿ....

ನೀ ಬರೀ ಮಡದಿಯಲ್ಲ ಗೆಳತೀ;

ನನ್ನ ಬಾಳ ಪಯಣದ ಸಂಗಾತಿ...

ನೀ ಜೊತೆಗಿರಲು ಸದಾ ಮನಕೆ ಸುಖ-ಶಾಂತಿ;

ಅದುವೇ ನನ್ನ ಪಾಲಿಗೆ ಸಂಕ್ರಾಂತಿ.

ಜೀವನದಲ್ಲಿ ನಾ ಏಕಾಂಗಿ ಎನಿಸಿದಾಗ

ನೀ ಅರ್ಧಾಂಗಿಯಾದೆ.

ಬಳಲಿ ಬೆಂಡಾಗಿರುವ ಈ ಬಾಳಿಗೆ

ಪ್ರೀತಿಯುದಕವ ಚಿಮ್ಮಿದೆ.

ಸಂತಸದಿ ನೀ  ಆನಂದಿಸಿದೆ;

ನೋವಿನಲ್ಲಿ ನೀ ಭಾಗಿಯಾದೆ.

ಜವಾಬ್ದಾರಿಯ ಕಲಿಸಿದೆ;

ಸಂಸಾರವೇನೆಂದು ತಿಳಿಸಿದೆ

ಸಣ್ಣ ಪುಟ್ಟ ವಿಷಯಗಳನ್ನೂ ನೀ ಕೆದಕಿದೆ;

ನಿನ್ನಲ್ಲಿ ನನ್ನ ಬಗೆಗಿನ ಕಾಳಜಿಯ ತೋರಿದೆ.

ನನ್ನ ಕೋಪ, ನಿಂದನೆಗಳಿಂದ ಅದೆಷ್ಟು ನೊಂದೆ;

ಎಲ್ಲವ ಮರೆತು ನನ್ನ ಬಾಳಲ್ಲಿ ಪ್ರೀತಿಯ ತಂದೆ.

ಜೀವನದುದ್ದಕ್ಕೂ ನನಗೆ ಸಾಂಗತ್ಯ

ನೀಡುವೆಯೆಂದು ಆಣೆ ಮಾಡಿದೆ.

ನೋವು ನಲಿವಿನ ಕ್ಷಣಗಳಲ್ಲಿ ಸ್ಪಂದಿಸುತ

ನೀ ಕೊಟ್ಟ ಭಾಷೆ ಉಳಿಸಿಕೊಳ್ಳುತಿರುವೆ.

೧೭ ಮೇ ೨೦೨೦, ರಾತ್ರಿ ೧೧ ಗಂಟೆಗೆ.

Corona Jokes

ಕೊರೋನಾ ಜೋಕ್ಸ್:

ಕೊರೋನಾ......ಕ್ಯೂ ರೋನಾ? ತೋಢಾ ಸಂಭಾಲ್ಕೆ ರಹನಾ!!!

1. ರಮೇಶ: ಲೋ ಸುರೇಶ, 1 ತಿಂಗಳು ಊರಿಗೆ ಹೊರಟಿದ್ದೆ. ಆದ್ರೆ ನಮ್ ಏರಿಯಾದಲ್ಲಿ ಕಳ್ಳರ ಕಾಟ.
ಸುರೇಶ: ನಾಯಿ ಇದೆ ಎಚ್ಚರಿಕೆ ಅಂತ ಬೋರ್ಡ್ ಇದೆ ಅಲ್ವಾ?
ರಮೇಶ: ಹಾಗಿದ್ರೂ ಪಕ್ಕದ್ ಮನೇಲಿ ಕಳ್ಳತನ ಆಗಿದೆ.
ಸುರೇಶ: ಓಹ್ ಹೌದಾ? ಕೊರೋನ (corona) ಇದೆ ಎಚ್ಚರಿಕೆ ಅಂತ ಹೊಸ ಬೋರ್ಡ್ ಹಾಕಿಸಿಬಿಡು. ಕಳ್ಳರು ಉಡೀಸ್!!!!

2. ಗಣೇಶ: ಮಗಾ, ಕೊರೋನದಿಂದಾಗಿ ಟ್ರಾಫಿಕ್ ಪೋಲೀಸರ ಕಾಟ ಕಡಿಮೆ ಆಗಿದೆ ಅನ್ಸುತ್ತೆ.
ಸುರೇಶ: ಅದ್ಹೇಗೋ ಹೇಳ್ತೀಯ???
ಗಣೇಶ: ಮಾಸ್ಕ ಹಾಕ್ಕೊಂಡ್ ಕೆಮ್ಮಿದ್ರೆ ಸಾಕು , ಹೆಲ್ಮೇಟ್,ಡಿ ಎಲ್,ಆರ್ಸಿ ಏನೂ ಕೇಳದೆ ದೂರ ಓಡಿ ಹೋಗ್ತಾರೆ.

3. ರಾಮು: 2020 ವರ್ಷ ಈ ಡೆಡ್ಲಿ ಕೊರೋನಾದಿಂದಾಗಿ 20-20 ಮ್ಯಾಚ್ ಥರ ಆಗ್ಬಿಟ್ಟಿದೆ ಕಣೋ...
ಶಾಮು: ಅದ್ಹೇಗೋ ?
ರಾಮು: ಮತ್ತೆ, ಗೆಲ್ತೀವೋ,ಸೋಲ್ತೀವೋ,ಸಿಕ್ಸ ಹೊಡೀತೀವೋ ಇಲ್ಲ ವಿಕೆಟ್ ಒಪ್ಪಿಸ್ತೀವೋ ಒಂದೂ ಹೇಳೋಕ್ಕೋಗಲ್ಲ.

4. ಪುಟ್ಟಿ: ಅಪ್ಪಾ, ಎಲ್ಲರೂ ಕೊರೋನಾ ಅಂತ ತುಂಬಾ ಹೆದರುತ್ತಾ ಇದಾರಲ್ಲ, ಎಲ್ಲಿಂದ ಬಂತಪ್ಪ ಅದು?
ಅಪ್ಪ: ಚೀನಾದಿಂದ ಬಂತು ಪುಟ್ಟಿ.
ಪುಟ್ಟಿ: ಅದಕ್ಯಾಕೆ ಹೆದರೋದು, ವಾಪಸ್ ಚೀನಾಕ್ಕೆ ಬಿಟ್ಟು ಬಂದರಾಯ್ತು!!!!
ಅಪ್ಪ: ಹಾಂ!!!???!!!

5. ಗುಂಡ: ನಿಜ ಹೇಳಬೇಕೆಂದರೆ ಕೊರೋನಾಗೆ ಥ್ಯಾಂಕ್ಸ್ ಹೇಳಬೇಕು.
ತಿಮ್ಮ: ಎಲ್ರೂ ಹೆದರಿ ಸಾಯ್ತಾ ಇದ್ರೆ ನೀ ಏನ್ ಹಂಗ ಹೇಳ್ತಾ ಇದೀಯ?
ಗುಂಡ: ಹೂಂ ಮತ್ತೆ.. ಓದಿಲ್ಲ, ಬರೆಯೋದಿಲ್ಲ. ಶಾಲೆ ರಜೆ, ಪರೀಕ್ಷೆ ಬಂದ್. ಉಂಡು ತಿಂದು ಆರಾಮಾಗಿ ಟೀವಿ ನೋಡ್ತಾ ಕೂತ್ರೂ ಅಪ್ಪ ಅಮ್ಮ ಬೈಯೋದಿಲ್ಲ.
ತಿಮ್ಮ: ಹ್ಹ ಹ್ಹ ಹ್ಹ..

6. ರಮೇಶ್: ಲೋ ಸುರೇಶ್ ನೀನು ಯಾವ ಟೂಥ್ ಪೇಸ್ಟ್ ಬಳಸುತ್ತಿದ್ದೀಯ?
ಸುರೇಶ್: ಕ್ಲೋಸಪ್ ಕಣೋ..
ರಮೇಶ್: ಮೊದಲು ಬದಲಾಯಿಸು.
ಸುರೇಶ್: ಯಾಕೋ... ಏನಾಯ್ತು?
ರಮೇಶ್: ಕ್ಲೋಸಪ್ ನೀಂದ ಹುಡುಗೀರು ಕ್ಲೋಸ್ ಆಗ್ತಾರಂತ ಜಾಹೀರಾತಿನಲ್ಲಿ ನೋಡಿದ್ದೆ. ಕ್ಲೋಸ್ ಕಾಂಟ್ಯಾಕ್ಟನಿಂದ ಕೊರೋನಾ ಬರುತ್ತಂತೆ. ಅದಕ್ಕೇ....

ಇಂದಿನ ನನ್ನ ಗಾದೆ

ತಾಯಿಯಿಲ್ಲದೆ ತವರಿಲ್ಲ
ಮಡದಿಯಿಲ್ಲದೆ ಬಾಳಿಲ್ಲ...
ಹಾಗೆ... ಇವತ್ತಿನ ಟ್ರೆಂಡಿಗೆ
ಸ್ಮಾರ್ಟ್ ಫೋನ್ ಇಲ್ಲದೆ ಬದುಕಿಲ್ಲ
ಅದರಲ್ಲಿರೋ ಸಿಮ್ ನಲ್ಲಿ ಡಾಟಾ ಇಲ್ಲ ಅಂದ್ರೆ ಅರ್ಥನೇ ಇಲ್ಲ.

ಹೊಸ ವರ್ಷ.

ಗತಿಸಿಹೋದ
ಸಿಹಿ-ಕಹಿ ಕ್ಷಣಗಳನ್ನು
ಮೆಲುಕು ಹಾಕುತ್ತ
ಮುಂಬರಲಿರುವ
ಊಹಿಸಲಾಗದ
ಕ್ಷಣಗಳ ನಿರೀಕ್ಷೆ.

ಸಂಕ್ರಮಣ.

ಮನೆ ತುಂಬಾ ಸಂಭ್ರಮದ ವಾತಾವರಣ
ಅದಕ್ಕೆ ಕಾರಣ ಮಕರ ಸಂಕ್ರಮಣ
ಎಳ್ಳು-ಬೆಲ್ಲ ದ ಸಮ್ಮಿಶ್ರಣ
ಬನ್ನಿ ನಾವು-ನೀವು ಹಂಚಿಕೊಳ್ಳೋಣ.
ಹಾರೈಸುವೆ ಸಾಗುತಿರಲಿ ಗೆಲುವಿನತ್ತ ಪಯಣ.

ಪರಿಣಾಮ

ಆ ಹುಡುಗಿ ನೋಡಿದಳು
ನಗು ನಗುತ್ತಾ
ನನ್ನ ಕಡೆ ತಿರುಗಿ
ಆ ಖುಷಿಯಲ್ಲಿ
ಊಟ ತಿಂಡಿ ಮರೆತು
ನಾ ಹೋಗಿಬಿಟ್ಟೆ ಸೊರಗಿ.

ಸಖತ್ ಪಂಚ್! 👊

ನನ್ನಾಕೆ ಕೇಳಿದ್ಲು-
ಚಿನ್ನಾ , ತೊಡಿಸುವೆಯಾ
1 ಕೆ.ಜಿ ಚಿನ್ನ....
ನಾ ಸಮಾಧಾನದಿ ಉತ್ತರಿಸಿದೆ-
ಖಂಡಿತವಾಗಿಯೂ ನನ್ನ ರನ್ನ
ಮೊದಲು ತಗ್ಗಿಸು
10 ಕೆ.ಜಿ ನಿನ್ನ ತೂಕವನ್ನ...

ಶ್ರೇಷ್ಠತೆ.

ನನ್ನವಳು ನನಗಿಟ್ಟರೆ
ಪ್ರೀತಿಯಿಂದ ಸಿಹಿ ಮುತ್ತು
ಸಾಟಿಯಿಲ್ಲ ನಮ್ಮ ಪ್ರೀತಿಗೆ
ಬೇರಾವುದೇ ಸಂಪತ್ತು.

ಗಣೇಶನ ಪಂಚ್

ಗೋಲ್ಡನ್ ಸ್ಟಾರ್ ಗಣೇಶ್

ಹೇಳಿದ್ರು-

"ಹೊಡಿ ಒಂಬತ್ತು ಹೊಡಿ ಒಂಬತ್ತು".

ವಾಹ್ ವಾಹ್...

 

ಗೋಲ್ಡನ್ ಬಾರ್ ಗಣೇಶ 

ಹೇಳಿದ್ರು-

"ಕುಡಿ ತೊಂಬತ್ತು ಕುಡಿ ತೊಂಬತ್ತು".

ವಾಹ್ ರೆ ವಾಹ್....

ಸಖತ್ ಪಂಚ್! 👊

ನನ್ನಾಕೆ ಕೇಳಿದ್ಲು-
ಚಿನ್ನಾ , ತೊಡಿಸುವೆಯಾ
1 ಕೆ.ಜಿ ಚಿನ್ನ....
ನಾ ಸಮಾಧಾನದಿ ಉತ್ತರಿಸಿದೆ-
ಖಂಡಿತವಾಗಿಯೂ ನನ್ನ ರನ್ನ
ಮೊದಲು ತಗ್ಗಿಸು
10 ಕೆ.ಜಿ ನಿನ್ನ ತೂಕವನ್ನ...

poem about a child

ಪುಟಾಣಿ ಮಗುವೇ 

ಪುಟಾಣಿ ಪಾಪು.. ಪುಟಾಣಿ ಪಾಪು...
ನಿನ್ನಯ ಮೊಗದಲ್ಲಿ ಸಂತಸದ ಛಾಪು
ನಿನ್ನಯ ಕಣ್ಣುಗಳೆದಷ್ಟು  ಹೊಳಪು ?
ಕೊಟ್ಟವರಾರು ಈ ಒನಪು?

ಚಿಂತೆಗಳಾವುವೂ ನಿನ್ನಲ್ಲಿಲ್ಲ
ಕೆಲಸ-ಕಾರ್ಯಗಳು ಬೇಕಾಗಿಲ್ಲ
ಆಟಿಕೆ-ಸಾಮಾನು ಸಿಕ್ಕರೆ ಎಲ್ಲ
ಆಟವ ಆಡುತ ನಲಿಯುವಿಯಲ್ಲ

ಎಲ್ಲರ ಕೋಪ ಕರಗಿಸುವೆ
ಬೈಯುವವರ ಮನ ತಣಿಸುವೆ
ನಿನ್ನಯ ಮುದ್ದು ಮುಖವನು ತೋರುವೆ
ಎಲ್ಲರಿಂದ ಅಕ್ಕರೆ ನೀ ಪಡೆವೆ

ಮಿಥ್ಯೆ, ಕಪಟಗಳ ಸುಳಿವಿಲ್ಲ
ರೋಷ-ದ್ವೇಷಗಳ ನೆರಳಿಲ್ಲ
ಆಟವ ಆಡಲು ಇರದಿದ್ದರೆ ನಾವೆಲ್ಲ
ಏಕಾಂತವದು ನಿನಗೆ ಸಲ್ಲ

ನೀನೇ ದೇವರ ನಿಜ ಸ್ವರೂಪ
ನಿನ್ನ ಕಂಡರೆ ಇಳಿವುದು ಕೋಪ
ಭೇದ-ಭಾವಗಳ ನಾನಾ ರೂಪ
ಇಲ್ಲದ ನೀನೇ ನಿಜವಾದ ಭೂಪ

ಜೋಗುಳ ಕೇಳಿ ನಿದ್ರಿಸುವೆ
ಹಾಡನು ಕೇಳಿ ಕುಣಿದಾಡುವೆ
ಹೊಸತನ್ನು ಕಂಡರೆ ಬೇಕೆನ್ನುವೆ
ಕೋಡಿಸದೆ ಹೋದರೆ ಹಟವ ಮಾಡುವೆ

ಏನೂ ಅರಿಯದ ಮುಗ್ದನು ನೀನು
ಆಟಿಕೆ ಸಿಕ್ಕರೆ ಸವಿದಂತೆ  ಜೇನು
ಸಹಿಸೆನು ನಾನು ಈ ಬೇಸರ ಜೀವನವನು
ನಿನ್ನಂತೆ ಮಗು ಆಗ ಬಯಸುವೆನು

ಪ್ರಿಯೆ...

ನೀ ನನ್ನ ಜೊತೆಗಿರಲು

ನನಗದುವೆ ಸ್ವರ್ಗ

ವಾಹ್ .. ವಾಹ್..|| 2 ಸಾರಿ||

ನೀ ಕೈ ಕೊಟ್ಟರೆ

ಮತ್ತೊಬ್ಬಳನ್ನು ಹುಡುಕದೆ

ನನಗೆಲ್ಲಿದೆ ಬೇರೆ ಮಾರ್ಗ?

ವಾರೆ.... ವಾಹ್....!!!

ನಿನಗಾಗಿ.... ನಿನ್ನದೆ ಧ್ಯಾನದಲ್ಲಿ...

ಚೆಲುವಿನ ಮೊಗದ ಹುಡುಗಿಯೇ

ಧಡ್ ಭಡ್ ಅಂತ ಹೊರಟೆ ನೀ ಎಲ್ಲಿಗೆ?

ಸ್ವಲ್ಪ ನಿಲ್ಲು, ನಾನೂ ಬರುವೆ ನಿನ್ನ ಜೊತೆಗೆ

ಹೊಗೋಣ ಇಬ್ಬರು ಹರಟುತ್ತಾ ಮೆಲ್ಲಗೆ.

ಕಾಣಿಸಿಕೊಳ್ತೀಯ ದಿನಕ್ಕೆರಡು ಬಾರಿ

ಮದ್ಯೆದಲ್ಲಿ ಹೋಗಿರ್ತೀಯ ನನ್ ಕಣ್ಣಿಂದ ಜಾರಿ

ಯಾಕೇ ಸತಾಯಿಸ್ತೀಯ ಬಾರಿ ಬಾರಿ

ಕರುಣೆ ತೋರಬಾರದೆ ಓ ಕನ್ನಡ ಕುವರಿ

ನೀ ಮುಡಿಯದಿದ್ದರೂ ಮಲ್ಲಿಗೆ

ಮುಡಿದಂತೆ ಭಾಸವಾಗುತ್ತಿದೆ ನನ್ನೀ ಕಣ್ಣಿಗೆ.

ನೀ ಮಾತನಾಡದಿದ್ದರೂ ನನ್ನೊಂದಿಗೆ

ಮೌನವೆ ಪಿಸುಗುಡುವಂತೆ ಭಾಸವಾಗುತಿದೆ ಮನಸ್ಸಿಗೆ.

ನಿನ್ನಾ ಕೆಂದುಟಿಯ ಕಿರುನಗೆಗೆ

ಕಾದೂ ಕಾದೂ ಆದೆ ನಾ ಸಣ್ಣಗೆ

ಒಮ್ಮೆಯಾದರೂ ನಗೆ ಬೀರೆಯಾ ಮೆಲ್ಲಗೆ

ಆಗುವುದರೊಳಗೆ ನಾ ಮೆತ್ತಗೆ.

ನನ್ನ ಗಾದೆಗಳು...

೧.ಬಾಯಲ್ಲಿ ಬೆಣ್ಣೆ, ಬಗಲಲ್ಲಿ ದೊಣ್ಣೆ.

೨.ಮೈಮೇಲೆ ಕಾವಿ,ಮನದೊಳಗೆ ಕೋವಿ.

೩.ಕೈಯಿಂದ ಸ್ವೀಟು, ಕೋಲಿಂದ ಏಟು.

೪.ಮೂರ್ಖನಿಗುಪದೇಶವ ನೀಡಲು ಹೋಗಿ ವ್ಯಕ್ತಿತ್ವಕ್ಕೆ ಗರ ಬಡಿಸಿಕೊಂದಂತೆ.

೫.ಊರ ಕೆರೇಲಿ ನೀರಿಲ್ಲವೆಂದು ಚಿಂತಿಸಿ ಗೌಡರ ಕೂದಲು ಉದುರಿದವಂತೆ.

೬.ನರಿಯ ಮುಂದೆ ನಗಾರಿ ಬಾರಿಸಿದಂತೆ.

ಪ್ರೀತಿಸಿದ ತಪ್ಪಿಗೆ ಪ್ರೀತಿ ಸಿಗಲಿಲ್ಲ
ನೋಯಿಸಿದ ತಪ್ಪಿಗೆ ಮಮತೆ ಮರೆಯಾಯ್ತಲ್ಲ
ಕಾಯಿಸಿದ ತಪ್ಪಿಗೆ ಸ್ನೇಹ ದೂರವಾಯ್ತಲ್ಲ
ಓ ದೇವರೇ... ಹುಟ್ಟಿದ ತಪ್ಪಿಗೆ ಯಾಕೆ ಇನ್ನೂಸಾವು ಬರ್ತಿಲ್ಲ...?

"ಓದಿರುವುದನ್ನು ಪುನಃ ಓದಬೇಡ,
ಒದದಿರುವುದನ್ನು ದಯವಿಟ್ಟು ಓದಬೇಡ,
ಬೇರೆಯವರು ಓದಿದ್ದನ್ನು ನೀನು ಓದಬೇಡ,
ನೀನು ಓದಿದ್ದನ್ನು ಬೇರೆಯವರಿಗೆ ಓದಲು ಬಿಡಬೇಡ "
ಮೇಲೆ ಬರೆದಿದ್ದನ್ನು ಪುನಃ ಪುನಃ ಓದಬೇಡ.
ಹಾಗೆ ಮಾಡಿದಿ ಎಂದರೆ......
ಮನೋ ವೈಜ್ಞ ನಿನ್ನನ್ನು ಓದಬೇಕಾದೀತು.... ಜೋಕೆ!!

ಚೆಲುವೆಯೇ ನಿನ್ನ ಮೊಗದ ಅಂದ
ನೋಡುತಿರಲು ನಾನಾದೆ ಮಂದ
ಕನಸಲ್ಲೂ ನಿನ್ನದೇ ಧ್ಯಾನ
ನಿನ್ನ ಧ್ಯಾನದಲ್ಲಿರುವಾಗ ನಾನು ಮೌನವೋ ಮೌನ!
ನೀ ನನಗೆ ಸಿಗದಿದ್ರೆ ಸೇರೋದು ಗ್ಯಾರಂಟಿ ನಾ...
ಸ್ಮಶಾನ!!

ಪ್ರಿಯೆ ನಿನ್ನ ಕಂಗಳ ಕಾಂತಿ-
ಮೂಡಿಸಿಹುದು ನನ್ನಲ್ಲಿ ಪ್ರೀತಿಯ ಭ್ರಾಂತಿ
ಚುಚ್ಚುತಿಹುದು ನನ್ನೆದೆಗೆ ಪ್ರೇಮದ ತಂತಿ
ಇನ್ನೆಲ್ಲಿ ನನ್ನೀ ಮನಕೆ ಶಾಂತಿ?
ನೀನೇ ನನ್ನ ಬಾಳಿನ ಸಂಕ್ರಾಂತಿ
ನೀ ದೊರಕದಿರೆ ನನ್ನ ಬಾಳೆಲ್ಲ ಗೋಳಿನ ಕ್ರಾಂತಿ.